شعر- عبيد الدبيسي
جيتك قصايد غلا شيلات وكتابه
فيك القصايد تزين وتقطر عذوبـه
الشعر لولا عيونك ليه أنا اشقـــابه
والله يالولا هدبهن ما التـفت صوبه
لاشك يوم اكتبه في نجلك أزهــابه
واردده وانثــره باحسـاس واذوبه
لاطار من خافقي لعيونــك اسـرابه
ارتــاح لني سمعت الحان مسحوبه
والشاعر اللي بخيـــل بنظرة أحبابه
ماهو حسايف لو انه طــول غروبه
وأنا أدري انه كثير الشعر واصحـابه
لاشك نصف القصيــد مضيعٍ ثوبه
ان كان غيري جذبك بكثرة القــابه
لاجــاك قافي يبــين ذاك عذروبه
ماكل نجمِ يقـدي ضـوح مشـهابه
كم ضيع النجم ساري واخلف دروبه
ياللي عيونك خذت ها القلب من بابه
يكفيــني انك تقــول اعجبني اسلوبه
ويكفيك تعرف قصيدي وش هي أسبابه
ويكفيني اعرف كتبت الشعر من هوبه