[ALIGN=LEFT][COLOR=blue]شعر : وليد عبدالله[/COLOR][/ALIGN]
[poem=font=\"Tahoma,6,black,bold,normal\" bkcolor=\"\" bkimage=\"\" border=\"none,4,gray\" type=2 line=350% align=center use=ex length=0 char=\"\" num=\"0,black\" filter=\"\"]
كنّا صغار ونحتري فرحة العيـد=أكبر أمانينا . . \" ريال وحـلاوة \"
فينا البراءة مـا لهـا أي تحديـد=فينا الوله . . فينا طبـاع الشقـاوة
متمسّكيـن بأصلـنـا والتقالـيـد=نفرح – ونمرح دون حقد وعـداوة
نكبر – وتكثر في زمنّـا المناقيـد=وبعض القلوب أصبح عليها غشاوة
وجه الفرح شايب كسته التجاعيـد=فيه الأصالة . . والوفا . . والبـداوة
يسترجع الماضي بْدمـع وتناهيـد=يبكي على موت الصفا . . والنقاوة
يا عيد ملّينا زهـور . . وأناشيـد=ما عاد تنفع فـي زمـان الغبـاوة
ملّيت أجدّد لك عهود . . ومواعيد=وتعيدنـا . . ونعايـدك بالقسـاوة
نْفوسنا يـا عيـد تحتـاج تجديـد=وقلوبنا تحتاج صدق . . وطـراوة
صرنا كبار ونفتقد فرحـة العيـد=ما عاد لك يا عيد طعـم وحـلاوة
[/poem]
