شعر- عايدة محمد(عبرة شعر)
يا قائد الأمة الحاكم وفخر الملوك
فالعين دمعة فرح والقلب فيه خفقه
الله يرحم أخوك ويرحم أمك وأبوك
أنا أشهد إنا ننام وكلنا في ثقة
بإن البلد في يدينك وإن ما بك شكوك
واللي نوانا ما عندك له بيوم شفقة
ايران يوم اوقفو جيت وغدو لك بروك
وأذنابهم قبلهم شفهم وسط محرقة
سروا عليهم ذيابٍ عقب ما شاهدوك
أمرك سبق كل من حاول يبي يسبقه
صحت يمينك وهم دونك ولا فض فوك
العاصفة هبت وطارو مطير ورقة
من جدة اليا الخبر لأبها ليا ما تبوك
توحدو لأجل عينك منطقة منطقة
عطيتنا صك ما هو مثل باقي الصكوك
صك الكرامة وصك العز للي فقه
بإن الوطن عندنا ما هوب مال وبنوك
وإن الملك فالشدايد ما يصب عرقه
يا أبو فهد لا تلوم الشعب لا والفوك
وانت اكبر أكبر من اللي حلمه التفرقة
الله يرحم أخوك ويرحم أمك و أبوك
أنا أشهد إن الوطن في يدين حاكم ثقة
