شعر: عوض الطلحي
يابحر ياللي علـى شاطيـك قلنـا كـلام
وهاضت مشاعر ودمع عيوننا بعض ماك
يابحـر يامـا تعاتبنـا وذبنـا غــرام
وياموج نشرد وترجع ثـم نرجـع وراك
ويابحـر مابـه رضيـع إلاوراه الفطـام
واحنا فطمناالزمان اللـي تلاطـم كمـاك
وتاهت خطانا وتهنا يابحر فـي الزحـام
أشيا كثيره هنا يابحـر صـارت هنـاك
وفـي همـوم الحيـاه تبعثـر الإهتمـام
وبديت ياقلب فـي سكـة تعبـك وشقـاك
وجيت نفس الشواطي بعد عشريـن عـام
إثري لحالي وانا كنت احسب اني معـاك
وهمست لك في ضميري لك عتاب وملام
لكـن وربـي بقلبـي ماتغيـر غــلاك
وفي عيني انتي كما ماكنت واكبـر مقـام
ولازال نفس انبهاري الاولي فـي حـلاك
وقلت ماحـد معانـا وش لـزوم اللثـام
وكني سمعتك تقولين إشرد المـوج جـاك
وقفـت وتلعثـم لسانـي بباقـي الكـلام
وصارت دموعي لحالي يابحر بعض ماك
