[ALIGN=LEFT][COLOR=blue]شعر ـ عبدالله الـطلحي[/COLOR][/ALIGN]
[poem=font=\"Tahoma,6,black,bold,normal\" bkcolor=\"\" bkimage=\"\" border=\"none,4,gray\" type=2 line=350% align=center use=ex length=0 char=\"\" num=\"0,black\" filter=\"\"]
أنا البارحة يوم إن خالي الضماير بـات=تسلّطّ علـى عينـي حريـبٍ يحاربهـا
حرمها لذيذ النوم والنـوم لـه لـذات=ليا حل فـي العينيـن فتّـرحواجبهـا
سرت بي ركايب هاجسي في زمانٍ فات=وكم مـن هواجيـسٍ تتعّـب ركايبهـا
أراجع كتاب العمر واقلّـب الصفحـات=وصفحـة مزيّنهـا وصفحـة مخربهـا
وياكثر مافيها صور نـاس وحكايـات=صورناس وحكايات وأشعـار كاتبهـا
زمان الصبا يوم الهوى طيّب النسمات=ليا داعـب الأنفـاس ريحة يطيبهـا
بربح الزهور اللي لها بالهوى ميـلات=ليا هبت انسـام العصـاري تجاذبهـا
وانا مثل طير الروض لاطابت الأوقـات=يطـارد فراشـات الزهـور ويلاعبهـا
وروح الصبا غضه طريه لهـا فـزات=خدمها صحيح الجسم والجهل صاحبهـا
وما تدري إن العمر يمضي وله ساعات=سوالف ربيعـه فـي خريفـه يكذبهـا
هوى النفس يدفعها ويظهر لها الرغبات=وكم رغبـةٍ كانـت وخيمـة عواقبهـا
ولابد ماتصحى من الجهـل والغفـلات=ليا شابت اللحيـة وشابـت شواربهـا
وماتت زهور الروض واوراقه الغضات=وقبّل على الأغصان حطـاب يحطبهـا
لوإن المطر همّال مايحيي اللـي مـات=تشوف السيول تسيل والرمل يشربهـا
ليا اقفى ربيع العمر قفّت معه حاجـات=بعدها تلـد العيـن وش عـاد يعجبهـا
رسوم الديار الباليـة مابهـا طمعـات=ليا اقفى الربيع وصالي القيض يلهبهـا
وعمرك مطيه عودت تسرع الخطـوات=بعد ما اونست جرح المسامه بغاربهـا
نوت تنهي الرحلة وتخلص من الحملات=وترتاح من هـذي المسامـه وراكبهـا
نصيبك من الدنيا رصيدٍ من الحسـرات=وهـذي هـي الأيـام وانـا مجربهـا
ولابدى مشرق شمسها يخلف الهقوات=ولابـد مشرقهـا يـعـوّد لمغربـهـا
[/poem]
