شعر: خالد الظويفري
خلك جبل شامخ وثابت مقرّه
حيدٍ منيف ويستر الناس ويسر
(ظلك براد) اليا كسى الوقت حرّه
مثل الغلا لو مانفع حي ماضر
ولا تـواضــع للـي الكبــر غرّه
لان الكبـر للـه .. ماهـو لمغتر
ولا تطايب للـردي لـو تشرّه
لان الردي يجزا هل الخير بالشر
الطيـب كايـد بين كـرّه وفـرّه
اما عليــه اتكـر .. والا له اتفر
رجـال مايازن من الطيب ذرّه
ورجـال يازن طيبه البحر والبر
عش تجربة عمرك بحلوه مرّه
واطلع بوجهٍ يفرز الحلو والمر
اقدم تقدم لو على حين غرّه
الخطوه الحره تبي مقدم ٍ حر
وكلٍ على ممشاه مدلـول جـرّه
تشهـد عليه ان قـرّ والا بها سـرّ