[ALIGN=LEFT][COLOR=blue]شعر- مطر الروقي[/COLOR][/ALIGN]
اعتبر الشاعر مطر الروقي قصيدته في رسول الله عليه افضل الصلاة والسلام أهم قصائدة على كثرتها وهي بالفعل كذلك، واحتفاء بها وبشاعريته المتدفقة ابداعا وعذوبة ، ندعوكم لمشاركتنا قراءته حيث يقول:
[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
ان فى الشعر لحكمه طالمـا عالـج قضيـة=ان فخرنا وان وصفنا وان مدحنا وان هجانا
ليت شعري كم كتبنا من قصايـد عاطفيـة=والهوى ماهو هوانا لو نقول انـه هوانـا
امة الاسلام تطحنهـا الحـروب المأسويـة=يا الله انـك لاتخيبنـا ولا تقطـع رجانـا
والعرب مايضحكون الا على شـر البليـة=مير صارت تضحك العالم علينا مـن بلانـا
سوبر ستاروخراب ديـار وأمـورٍ خفيـة=أنتعولم فى زمـان العولمـه ليـن انعمانـا
حاضر الاسلام تبكيـه الحـروف الابجديـة=مـن تفرقناولوعتنـا وحسرتنـا واسانـا
مارضينا بالهـوان ولا رضينـا بالخطية=والا قولوا يجبر الله فـى كرامتنـا عزانـا
كلنا حسان ابـن ثابـت ثبـات وشاعرية=كلنا سيف الله المسلـول لاكثـروا عدانـا
اللهم صلـي وسلـم علـى خيـر البريـة=ا لرسول اللـي دعانـا للهدايـه واهتدانـا
حى ذكره كل ماعطر بـه الانفـاس حيـه=من حديث الى حديث من الرواة ولا ارتوانا
الامين الصادق المصدوق والنفس الزكيـة=ليش مانغضب على شانه وهوغاية رضانـا
عرضي ومالي وروحي من فـداه ووالديًـه=ننصره ونذود عن عرضه وترخص له دمانا
ماخلق زيه ولن يخلق ليـوم البعـث زيـه=خُلقـه القـران قدوتنـا بغيـره ماقتدانـا
سيرته فى قلوبنا عطره وفى الافعال حيـه=له محبتنـا ولـه منـا الغـلا ولـه وفانـا
يادعاة العهر واهل الكفـر حملتكـم غبيـه=مكرمٍ ربـي محمـد عنكـم وتكـرم لحانـا
من قذارتكم حضارتكم مجـون وعنصريـة=يابشر قبل القشر ولًوا وحلًوا عـن سمانـا
حسبنا الله يخزي الظالم ولو يـزداد غيًـه=من شرور الحاقدين الحاسديـن الله كفانـا
قال حرية صحافه قـال!! هـاذي عنجهيـة=مابحثت (الهولوكست) ولا كتبت ولا قرانـا
ينصر الله دينـه وقرانـه وينصـر نبيـه=صفنا واحد بعون الله ولا تشقـر عصانـا
اللهم صلـي وسلـم علـى خيـر البريـه=الرسول اللـي دعانـا للهدايـه واهتدانـا
[/poem]
