شعر : ريان الوابلي
وحزنٍ مرّني مثل البــــــــــــراد احتبس هالطين
واغمض من جفوني للسنين وتحلـــــــــــم أقداري
أغني للظلام اللي ينادي :ياصبـــــــــــاح التين
متى وقت المذاق اللي يغير غيمـــــــــــة أمطاري
تركت الخطوة المرّه وصارت صــــــــرختي تنين
وقمت أصرخ بعالي الصوت لين احترقت أزهاري
وقفت ولا معـــــــــــــي إلا ملامح تستفــــز العين
ملامح تشبه الطفل الفقيــــــــــــــر ولبسه العاري
ملامح ماتبي إلا الحنين بعالــــــــــــــــــــم التلوين
ملامح ترسم الوقت النحيل بغيبـــــــــــــة أسراري
ملامح لاتهجتها الغيـــــــــــــــوم تروح للتخمين
ملامح لانطقها هالصباح يمــــــــــــوت بجداري
زرعت بوقفتي علقم زماني محتضــــــــرني لين
وطيت بتربة أزهار العمـــــــر واستنفت أعماري
وجيت أرفع عنــــــق قلبي وأقطف بالسما جناحين
ابي لأمر طير الحب ينـــــــــــــــــــزع كائني لداري
لقيت أن السماء صمــــــــت وفراغ وتمتمة جرحين
وفيها الغيـــــــــــــــــم يتعثّر إلين ارتعشت أسواري
طلاسم ينبضــــــــــــــه هذا الفراغ وبعينه النسرين
وأنا بين اتساع العيــــــــــــــن أنفض جفن أطواري
أمانة يالسنين المظلمــــــــــــة اللي ارتويتي اسنين
أمانة يالظلام اللي حضــــــــــــــــرت تحطّم أبصاري
تعال ونام في صدري ورتب لي جفـــــــــــــون العين
وأسرق بؤبؤة عشقي وأزرع فيــــــــــــــــه أقداري
عشان الصبح لامن نطقتـــــــــــــــه :ياصباح التين
تبسّم وجه هالدنيا وتُسكب غيمـــــــــــة أمطاري
