شعر:عبدالله حجاب بن نحيت
(شيخة القلب) عذري يوم أحبك كبير
ليتني دايم أخطي وأتعذر هواك!
دام عذر المحبة في هواهم صغير
والله إني لحبك لو دروبك هلاك
مالقيتك وأنا اللي بس أشوفك كثير
بين ظلي وبيني بعد لحظة غلاك
عند سمعي وشوفي خايفٍ لا تطير
بس أضمك وأسمي وأطلب الله لقاك
خانتك دمعتين وكف مثل الحرير
لاتخونك ظنونك شاعرك مانساك
شيخة القلب قلبي كنه اليوم طير
يكفخ بوسط صدري ويتهدد سماك
شيخة القلب مدري بعدها وش يصير
والمحبة من الله هي بلاي وبلاك
كل عام وغرامك ياحبيبي بخير
كل عامٍ وأحبك وأتعذر هواك
