[ALIGN=LEFT]شعر : الحميدي الثقفي[/ALIGN]
[poem=font=\"Tahoma,6,black,bold,normal\" bkcolor=\"\" bkimage=\"\" border=\"none,4,gray\" type=2 line=350% align=center use=ex length=0 char=\"\" num=\"0,black\" filter=\"\"]
يارب هذا الطريق افعى تفـح وعتمـة اعشـاب=ظلمه وطين وبلل وعظـام نـاس امـوات حيـة
الليل غابة ونبض انفاس صـدري فـاس حطّـاب=تستنبت النـار فاكهـة الشتـا شمـس ابجديّة
من سلّة الريح من غيـم الصـدف لابلـل ثيـاب=من رجفة اللـون مـن تفّاحـة البـرد الشهيـة
والشارع الصمت نهر اسود من المطـاط جلبـاب=يقرا صـدى خطـوة العابـر ملامـح سرمديـة
ياموت وبيوت حارتنـا علـب سرديـن وتـراب=تـرى التعـدّي لغيـر اوّل قرابيـنـك زريــة
الريح تصفر وينعـق طيـر بـوم وتنبـح كـلاب=ويضـج صمـت المدينـة كلنـا نـذر المنـيـة
قلت المدينه تثاوب في وهـن ونعـاس الابـواب=والناس من غيـر تلقـي بـال تلقـي بالتحيّـة
ابسألـك صاحبـي خايـف ومتـردد ومـرتـاب=كم من سؤال يمـوت وينولـد ويمـوت فيـه؟
هذا الحذر والتوجّس في الملامح مالـه اسبـاب=هذا الترقـب وهـذا الريـب والخـوف المعيّـة
الصبر طبع الجمل طيّب عرفنـا سـر الاعجـاب=هذا الوفا في الكـلاب الوافيـة طبـع وسجيّـه !!
ابسألك صاحبي واقسى كمـا يقسـون الاحبـاب=وجهك هو القاتل المقتول مـن فيـك الضحيّة ؟
عمرك مجرّد زمن تافه غبي جـوف الزمـن ذاب=من منبع الليل الـى صبـح المصبّـات القصيـة
للجوع مخلاب من قال ان ماللجـوع مخـلاب؟=لا في الثـرى ضاجعتـك ولا ارضعتـك الرازقية
ياحكمة الطيش ليش نخلـد الاسمـا والالقـاب ؟=مايمكن اسم الورود اشواك واسم الشمـس فيـه
لو للغموض المبيـن وللبيـان الغامـض كتـاب=محـدٍ بقـى لـي عليـه ولابقـى لاحـدٍ عليّـه
عرفتني كنت انا صاحبك واصحابك لـي اصحـاب=امـد لمصافحـك يـدّي تصافحـنـي يـديـه؟
ابسألك عن ملامح وجه طفلٍ في القـرى غـاب=غيّبت ..والا القرى ياطفـل غابـت فيـك هيـه
قلت القرى واجهشت لك في البلاد رعوش الاعناب=والمشمش المسقوي واغصـان لـوزه عثريّـه
والما تقول بـكظايمها زبرجد فـي المـدى راب=والعشـب مجـدول بخيـوط الصباحـات النديـة
ابسألك صاحبي غمّـض عليهـا جفـن واهـداب=ياما لصبح القرى مـن وشوشـات المـا هنيـة
[/poem]
