شاعر الساحة

شعر: شــظــايــــا
اذكر انك قلت لي تحت امرك
قلت مايامر عليك صغـارك
ما ببالي غير طولة عمـرك
حطني معنى القصيد وشارك
استعين بكل ما في صـدرك
وكان فيه احراج فك زرارك
قل لهم عن مايخبي صبـرك
واكبر الاسرار بين اسرارك
قلهم منهي (شظايا) جمـرك
من هي اللي نارها من نارك
ما دعيتك للقصيـد اختبـرك
ادري انك نابغه فـي كـارك
خط لي لو كلمتيـن بحبـرك
قول حاجه والقليـل مبـارك
ايه توي بنت مانـي كبـرك
وديرتي ماهي بحول ديـارك
بس احبك واعشقك واعتبرك
(شاعر الساحه) فديت اشعارك
ما طربت لقافيه من خبـرك
ياربابه والعـروق اوتـارك
عمر منظوم الشعر من عمرك
معجبه في منهجك وافكـارك
يا حبيبي قولي ويش عـذرك
ما تغني في حبيب اختارك؟!