سيّد الغيّـاب

[ALIGN=LEFT][COLOR=blue] شعر – عايد الشمري[/COLOR][/ALIGN]

(عايد الشمري) شاعر عذب اتسم بالابداع وتميز من خلاله، اقرأوا له في (سيّد الغيّـاب) لتدركوا مايختزله من ابداع وشاعرية مميزة.. يقول:

[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
فمان الله ودروبك خضـر, يـا سيّد الغيّـاب=توكّل ياعسى درب السعـاده يمّـة دروبـك
فمان الله ماعاد الخفوق العاشـق المنصـاب=يبي منك دواء, والجرح من تهليلة ذنوبـك
لك الله ماحسبْت لكل جرح ٍ بالخفوق حسـاب=ولاقد قلت يا خنجر عذابـي طالبـك دوبـك
احس اني اموت بعز نفسي والمصير اسباب=ولا عمر ٍمداده ذل نفسـي وابشـع عيوبـك
تبيني في رجا رحمة خفوقك والهوى غلاب!!=واحط ايدي على خد المذله باسم مكتوبـك!!
لي الله عنكْ طاب الجرح ولا ياعسى ماطاب=مدامك تعشق الغربـال لاشفتـه بمحبوبـك
ياخوي الله يبي يفتح لقلبي من بعدك ابـواب=ولا تهتم , محسوبك ولد, لاصد محسوبـك
كفايه من ثلاث سنين سمّك بالضمير انساب=تفننت الجفا والصـد والحرمـان باسلوبـك
وهبتك قلب ماذاق الخيانه من يدين احبـاب=ذبحت احلى القصايد حب لحسابك ومطلوبـك
اهج الليل واسرج لك خيالي للوصال ركـاب=وتنام الليـل كلّـه بيـن لعباتـك ودبدوبـك
تعبت ولا بقى فيني مساحه والقلوب اغـراب=ولكن كلها جرحين واسلى عنـك وآتوبـك
صبر تكفى تجملني مدام اني قفلـت البـاب=طلبتك لاتبيح اسرار حزني للتفـت صوبـك
واذا قفىّ, فداك البوح, مايبخل على الطلاّب=حرام الاّ يجي مسحوب صدري زيّ مسحوبك
مدام انه رحل وانت الصمود اللي وقف ماذاب=دموع عيوني الثنتين فدوه في ثرى طوبـك
انا وانت وذعاذيع الشمال وياعسى من غاب=موفق, والعزا بالجرح يبرى عند محسوبـك
[/poem]