سلطان له في كل قلب مشاريع

[ALIGN=LEFT][COLOR=blue]شاعر هوازن الكبير: عبدالرحمن العطاوي[/COLOR][/ALIGN]

[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
مبروك عيدك يا بعيد المطاليع=يا لنادر اللِّي في أجزل الصيد بتّاع
حرٍّ شروه أهل الولع ما بعد بيع=شرّايته واجد ولا له حدٍ باع
فيه المكارم طبع ما هيب تطبيع=وفي كل يعرب عد مثله بالاصباع
هبِّي بشوفه يا هبوب الذعاذيع=اللي عليه قلوبنا تشكي الاوجاع
عقبه جناب الداروحشٍ بلاقيع=قفرٍ خلى لو البشر غاطن القاع
يا من لبعدك في قلوب العرب ريع=ارجع يقر بشوفتك كل مرتاع
يا راعيٍ ودّعتك الرب توديع=واللي وديعه خالق الكون ما ضاع
سلطان عقبه ما لعيني مهاجيع=لو إن سمعي عنه بالطيب سمّاع
سقوا الى قالولنا مقدمه ذيع=وفي المملكة شعشع فرحنا تشعشاع
سلطان غيثٍ من عميم المنافيع=ربيعنا اللي ما يحاليه مرباع
هواي اغنّي به جداد المصاريع=في نجد وأشهر به على كل مصراع
حصن الجزيرة عن يدين الطماميع=ليثٍ يداري سطوته كل صعصاع
سلطان له في كل قلبٍ مشاريع=خضرٍ يساقيها من الود نبّاع
سلطان يرقى يمه المدح ومطيع=والى حدرنا دونه المدح ما طاع
سلطان من ورده خذاله قراطيع=ونهل وعلْ وكلٍّ أروى بالاجماع
سلطان دام حمول غيظه مواضيع=أشرب غدق وأنعم ولا هوب قطّاع
لو عكّرو صافي صفاه المنازيع=يزوم غيظ وعنده الحلم شفّاع
ميمون مامونٍ حجاب المفاريع=ولا هوب في غرات الاجواد رتّاع
للطيب يمشي مع وساع المهاييع=وصعبٍ يدار إلاّ عن الشين ينصاع
[/poem]