[ALIGN=LEFT][COLOR=blue]شعر ـ وليد عبدالله [/COLOR][/ALIGN]
[poem=font=\"Tahoma,6,black,bold,normal\" bkcolor=\"\" bkimage=\"\" border=\"none,4,gray\" type=2 line=350% align=center use=ex length=0 char=\"\" num=\"0,black\" filter=\"\"]
جابـك الله مثـل حلـم وطاح مـن بيـن السـحـاب=كم تعبت أرجي هطوله ..يـروي أغصـان الكفـوف
جابـك الله مثـل شمعـة ..وأشعلتـنـي بالعـتـاب=من بعد ما كنـت تايـه بيـن هـمّ ..وبيـن خـوف
كنت أشوف الصبح صحرا .. والأمل عنـدي ذهـاب=والصبـر مثـل الجبـال النايفـة فــوق الكـتـوف
كنـت ألمـح صورتـك بيـن الحقيقـة والـسـراب=كنت أحاول أرتشف مـن فيـض نظراتـك رشـوف
كنت أشوف الليل موحش .. كـن لـه مخلـب ونـاب=كنت أحاول أسكنـك مـن خلـف جـدران الخسـوف
كنت أنـادي لـك ويحرمنـي الصـدى رد الجـواب=كنت أحـسّ إن الرسايـل تختنـق وسـط الظـروف
كنت أجمّع لك عيوني كـل مـ..أسمـع صـوت بـاب=صارت عْيوني شتات ..وصارت أوهامـي ضيـوف
كنـت أدوّر فـي محطـات الزمـن رحلـة إيــاب=خلـف شبّـاك الأمانـي كـم تعبـت مـن الوقـوف
كنت أشوف الوقت سيـف ..وقسـوة أيامـي رقـاب=بس صار الوقـت مـا يقطـع مثـل قطـع السيـوف
مـا يمـوت الشـوق لـو تطعَـنْه سكيّـن الغـيـاب=وما يمـوت الحـب مهمـا يشنقـه حبـل الظـروف
فرحتـي فـي جيّتـك طفـلٍ لبـس بيـض الثـيـاب=في نهار العيد يركـض لأجـل عيـن أمّـه تشـوف
فرحتـي فرحـة معانـق للوطـن عقـب اغـتـراب=فرحتي بيـن الحنايـا صـوت ترحيـب ..ودفـوف
فرحتي مثـل الظمـا اللـي صافـح يْديـن الشـراب=فاحـت أزهـار الحيـاة وذبلـت أزهـار الحـتـوف
فرحتـي مـا يختصرهـا لا قصيـد .. ولا كـتـاب=فرحتي أبلغ مـن إحسـاس القصايـد .. والوصـوف
العمر رحلة .. وأنـا عمـري معـك مثـل الركـاب=دام عمرك لـي ركـاب وحولنـا \" أربـع \" حـروف
من هنا..لْـ..بكره..لْـ..بعده..من هنا ليوم الحساب=قلتهـا واستغفـر الله .. رغـم لوعـات الـصـروف
مـا يمـوت الشـوق لـو تطعنـه سكيّـن الغـيـاب=وما يمـوت الحـب مهمـا يشنقـه حبـل الظـروف
[/poem]
