سكة جفا

شعر- نادية السالمي

شفت السكوت اللي صفع وجنة الشرح
سكة جفا مابين روحي وروحي
وهذا الرماد اللي كسى جمرة الجرح
بكرة يخون النص يحيي جروحي
وينبت مع الايام في سالف القرح
افواه عادت ثرثرتها قروحي
ليت الفرح مابدّل ثْيابه بْترح
ماكان ضحكي ثار يهدم صروحي
أو ليتني جنّبت عن موسم الطرح
دامي على مرمى عدوّي بروحي
ياخطوتي للغد من باني الضرح
رداة حظي أو خطا في وضوحي
هذا السكوت اللي صفع وجنة الشرح
كان الجفا مابين روحي وروحي