زامر الحي

[ALIGN=LEFT][COLOR=blue]شعر – فايز آل بذال[/COLOR][/ALIGN]

[poem=font=\"Tahoma,6,black,bold,normal\" bkcolor=\"\" bkimage=\"\" border=\"none,4,gray\" type=2 line=350% align=center use=ex length=0 char=\"\" num=\"0,black\" filter=\"\"]
تعال عطني من بعض وقتـك شـوَيّ=كثر الجفـا بانـت بوجهـي مواريـه
لاوين تمشي لك على النـار رجلَـيّ=لا الدرب يعفيني ولا القـاك واعفيـه
الشمس لو يجهل سنا ضيّهـا الفَـيّ=ماشفت ظل ٍ واهج الشمـس يطويـه
الشمس لو تبخل على الليـل بالضَـيّ=ما شفت ليله للقمـر نـور يضويـه
خلّيتنـي كنـي معـك فاقـد الـشَـيّ=ياكيـف قلّـي فاقـد الشـي يعطيـه
ماعاد يطـرب حيّكـم زامـر الحَـيّ=ماعاد اشـوف انّـه تثيـرك معانيـه
أجيـك كنّـي قابـض النـار بيـدَيّ=واللقاك برد ٍ من سكـن فيـه ينهيـه
أطرد سرابك واحسبه صافـي المَـيّ=ضامي غرامك مالقـى منـك يكفيـه
بُعدك طوى ياغايتـي خاطـري طَـيّ=ارحم خفوق ٍ لاهب الشـوق مضنيـه
تعبـت اداوي خافـق ٍ منكّـوي كَـيّ=لاجيت ابخفي سره اللتـاع وابديـه
وين الطريق اللي لك يجيبنـي – وأيّ=درب ٍ يودي لك على الشوك بمشيـه
إن كان وصلك غيّ فـ – أنا عاشق الغَيّ=أحبْ غيّـك واعشقـه واهتنـي فيـه
[/poem]