شعر: محمد المغضي
ياسيّدي والريح ..روح الأشرعة
عطني من عيونك شواطئ للنجاة
حررّني من قيد الحروف الأربعة
واجمعني من دنيا بها أيامي حفاة
غصن السهر ..لاتستبيحه وتقطعه
لـ أجلك ترى أورق .. تعاليل وحياة
من ريحة الظلما.. لحلمٍ أتبعه
جيتك أدوّر من قناديلك صداه
جيتك أدوّر ..في مواعيدك سعه
من بعد ما ليل اللقا ..ضاقت سماه
مايعصف بقلبي ويكسر أضلعه
إلا إذا صوتك في حلق الحزن تاه
خلِّ وداعك ياخذ أحضاني معه
واتركني أنحر من تناهيدك خطاه
جفني..إذا حرّك غيابك أدمعه
تنبت على روحي من الفرقا صلاة
