شعر-عبير بنت احمد
ولّ من ليلي اللي ضقـت مـن طولـه
وش بلا الصبح ما يشفق علـى حالـي
وين محبوبـي اللـي لا طـرى زولـه
جـاب فينـي قديـم الشـوق والتالـي
قد هجرت القصيد .. وقلت .. وشولـه
أكتبه …… قبـل يعرفنـي و يقرالـي
ويوم هو جا لنـار الحـب برجولـه؟؟
الله يعيـن مـن حطيـتـه فـبـالـي
صاحبي كل مـن فـي الأرض فزولـه
كيف اجـل مـا يفـز الشعـر للغالـي
وكانني ما كتبته فيـه … مـا اقولـه
فدوة ٍ له جديدي .. لـو غـدى بالـي
كيف بأصبـر وعينـي دوم لـه تولـه
قمت اخيله / مع انه واقـف قبالـي !
له (من الراس لين اصابعي) … دولـه
ْو له علي ّ الولا.. مادامـه .. الوالـي
مـو غريبـه اذا انـي فيـه معذولـه
ومو غريـب ان تولـع فيـه عذالـي
ساد عامي .. ربيع ٍ .. فأربع فصولـه
والزهر صـار ميـزة ربعـي الخالـي
صاحـبـي ذاك لامثـلـه ولاحـولـه
هو هلـي ذاااك لا عمـي و لا خالي
ذاك دمعي لقـى فـي حضنـه هطولـه
ذاك كتفي لقى فـي ساعـده .. شالـي
ذاك مالي عـذر لوكنـت مشغولـه ..
عنه / في غير خمس اوقات / بـجلالي
أدعي الله عسـى الدعـوات مقبولـه
يجعل اللـي عجبنـي فيـه / فعيالـي
قالوا العمر واحد .. قلت : أبد .. هو له
يـا نتقاسمْـه والا آمـوت بلحـالـي
قالو الجرح جرحه .. قلت : معقولـه؟
وآنا اقوووول اشعلام الجرح.. يحلالي !
وقالوا الظاهـر انـك صـدق مهبولـه
قلت من حَب عقلي .. هـاوي هبالـي
