شعر:عمــري الرحيل
تــوي الليله حزين وخـايف ولانمت توي
صـرت في دوامـة التوديع ياصعب النهايه
لحظــةحسـيتها مبــطي على قلبي تنوي
لكــن انسى كلما دلت تسولف عن غلايه
صوتها جــاني حزين احس به شيء يكوي
ماهواللي لاانخنق صوتي احس انه سمايه
ولاهواللي لاارتخت نفسي يسولف عن علوي
ولاهواللي لااحظـبت علمني اقرطها ورايه
عشرة جروح وهذا الصوت فـي قلبي مدوي
والله انه يـاجماعه ياكـل ويشرب معايه
والله انــه حلمي اللي بـالـمعاليق متطوي
يـكتب بدفـتر شراييني ويقرا في عنايه
مااشوف الناس معمي عن جميع الناس ضوي
كلما فتــشت باحـلامي لقيته في مدايه
جيت اسولف ماقدرت اقول مدري ويش اسوي
يامــا طاحت دمعـة حسيتها يوم البدايه
كنـت اجاحدها سنين وقـلت جاك اليوم روي
ماذخرتك غير هالـلحظه وخـابرها قفايه
الرياح السود فجــت قلبـي وقـامت تعوي
واحطبتـني مابقى عرق يسولف عن رجايه
فتــــنة شفت الغلا فيها قليل وجا غلوي
حطها درب تســابقه الخـطى يـم الهدايه
غادة يومــن مجاهـيم الظـما قامت تلوي
اتركتني مع تضاريس الوهم اشرب ضمايه
طاح بي حلم السنين وجا على راسه مخوي
وانكسر شاعر مثل ماينكسر فـارس ورايه
قلـت بعدك والله ان الليل مااذخر عنه سوي
لااسهره يامايبين الصـبح في مفرق سمايه
قـالت الـتوديع مايضعف غلا بعضه يقوي
كيف اودع مـن بكى عمره وغنى في هوايه
انت في دمي وعمر البعد مااخلف فيك نوي
وانت تدري ويش معنا أنك بدمي في النهايه
