بقلم:هناء عصام
مين دول ؟ لا ابدا دول تلاتة طلبة عرب مسلمين
ضياء شادي بركات 23 سنة
يُسر محمد 21 سنة
رزان محمد 19 سنة
قتلهم ارهابى امريكى جمب حرم الجامعة ف ولاية كارولينا !!
و زى ما انت شايف ضياء شادى طبعا مش ف غلاوة تشارلى و يسر و رزان مش ف اهمية صحفيين الجزيرة عشان الدنيا تتقلب عليهم !!
و زى ما انت عارف برضه ان الامريكانى لااااا يمكن يبقى ارهابى وبقتل عشان العنصرية او التطرف ابدااااا ده اكيد بس مكنش واخد باله !
و زى ما كلنا عارفين طبعا انهم مايستهلوش مظاهرة لشعوب العالم ولا مسيرة من زعماء الدول ولا عمك الحج اوباما يقول كلمتين ولا اخوك اولاند ينتفض ولا حمامة السلام نتنياهو يكلف نفسه بتلغراف و لا بعض الدول العربية تبعت تعزى ولا شجب م الامم المتحدة ولا تنديد م الفيفا حتى !!
احب اضيف بس الشرطة الأميركية منعت بقرار قضائي نشر الخبر في وسائل الإعلام الأميركية عشان امريكا بلد الحرية و الديمقراطية تفضل حلوة و جميلة و شعرها اصفر !!!!!!!! طب فين حقهم و ايه ذنبهم ؟؟؟ لا ابدا .. حقهم عند اللى خالقهم …
و ذنبهم انهم عرب و مسلمين !!!!!!!
اترحموا عليهم و ادعولهم …وحسبنا الله و نعم الوكيل
*** ***
ليه بنحب بوتين ؟ اسمع يا سيدى
بوتين هو اللى قال لما اتسأل عن مرسى ايام حكم الاخوان ( إنه طاردنى بإصرار من أوروبا إلى جنوب أفريقيا حتى استطاع أن يلقانى في مدينة صغيرة في روسيا .. وهذا النوع من الرؤساء لا يعيش طويلاً، ويرحل دائمًا ضمن مأساة)
واضاف ( بشار الذى يعاديه الرئيس المصرى – مرسى – قد يبقى فى منصبه اكثر منه رغم ان بشار يحارب والاخر يواجه معارضه سلميه )
و قال عن ثورة 6/30( اى قوة خارجية ستعارض الشعب المصرى و ارائه فأن تلك القوى
ستكون فى حرب مع الجيشين الروسى و الصينى بطريقة مباشرة و غير مباشرة )
وقال عن مساعدة مصر اقتصاديا ( روسيا على استعداد ان تستثمر فى مصر بالجنيه المصرى او الروبل وليس الدولار ). و قال عن التعاون العسكرى ( نتضامن مع مصر ف حربها على الارهاب و ندعمها بالسلاح الروسى )
ده داخل علينا بكلاشنكوف روسى هدية ياجماعة
فأهلا و سهلا
• اعلامية بالتلفزيون المصري
