شعر- ظلال
من لارقى بالفعل والقول والصيت
لايبني من الناس سلم ويرقا
واللي عجز يرفع عموده مع البيت
يازين لانادى مع الناس فرقا
الشعر يجمع بين حس وتناهيت
من ينطقه شاعر تجارية ورقا
هديلها يلعب مع اللحن تصويت
وعيون شاعرها من الدمع غرقا
لاتحسبون الشعر ضحكٍ وتنكيت
الشعر جمرٍ يحرق القلب حرقا
الشعر لا من حان ماله تواقيت
يسرق حضورك من مجالسك سرقا
اسكت وانا كني سجين التوابيت
ويثور من صمت الحشا كل عرقا
ولو يوم فكري ساقني له ومريت
بديار عشاقه شمالٍ وشرقا
احن له حنة خلوجٍ ويا ليت
ياليت شعري ماتجي منه فرقا