شعر: عبدالعزيز الدوسي
تذكر تباريح(يوم أعطاك وقتك) ما يقّويك
ملّت.. طواري ظروفك لا تمر ولا تعداك
موت أنتظار الشوارع يشربه حزن الشبابيك
وأنا تكاثرت ضحكاتي بـ وجه ً راح يقراك
(جرح المسافه) تضمْده الظنون بـ راحة أيديك
أعرفني أكثر غموض ولاوضوح يّجرح أخطاك
خرجت من باب (بكره) كسرة الخاطر تنسّيك
ونسيت لين العطش خانك وجيت بشرهة:أنساك
مرك حنين القرايا .. عطر يتمنى ، يخاويك
يخسرك لفته ويعتقني ظماي بـ غصة أبكاك
يا سالفة عمر يكفي صوتي البارح يقهويك
وتهب نسمه تعري غصن ورد يلم شكواك
ما كانت الزفره إلا موت يغفى بي ويحييك
ما كانت الرجفه بـ صوتي كلام يعيض فرقاك
جتني على وقت كنت ارضى ولا خابت رجاويك
وراحت تسولف هقاوينا عتب لـ أقربك وأقصاك!
أنا قليلك (وطن) لا .. ملّت الغربه تناديك
وأكثرك لـ أشتاقت الخطوه ترجعّني لـ منفاك
ماهو تعب ما تشوفه كثر ما خانت هقاويك
ألعن من الطاري اللي لا يمر ولا تعداك
