شعر:فاهد الرشيدي
استوحش الليل صوتك يوم طوّل غيابك
في ديرة الغربة اللي دون حد السحاب
ناديت طيفك الين الشوق نوخ ركابك
وادبرت أدور حتاحيت العذر فالذهاب
لديت عيني وبيّن فالفجوج اغترابك
ما كني الإ فقير(ن) جاه حضرة جناب
يا حادي الليل هيجن،والقصائد زهابك
بلكن يطيح الحطب ويخف سقم الصواب
اذكرك لا ضاق صدري زم صادق سحابك
وهلت مزون العذر، في مجدبات العتاب
يا غايب(ن) عن عيوني والوله غصب جابك
متى الليالي تجمل في عتاق الرقاب
عذربي الشوق في غب الظلام وز سرابك
واستنزف الجرح يوم اهدف عليه الغياب
قل للزمان الذي سن الفراق وغدابك
يرفق بحال الذي ضيع دروب الصواب
ما ضامني غير عطر(ن) تنثره في ثيابك
في الديرة اللي تبلتها دموع السحاب
ولا تنشد اللي بترفات السنين اللتوابك
عن خاطره يوم ضاقته به وساع الرحاب
يكفيك صدر(ن) تحمل بالليالي صوابك
ودوّنت صادق غرامك في علو الكتاب
أسألك بالله لا تقفل عن الشوق بابك
في وجه من حط حبك عن همومه حجاب
الله لا تقطع اللي من عناه التجابك
يا غافر الذنب يا محيي لحود التراب
يارب مالي من ابواب الرجا غير بابك
لو انفتح من يدين الخلق مليون باب