شعر: اصايل نجد
الوسم بقدومه تزين التباشير
لاجاد نوه واستهلت مزونه
مزنه تراكم والبرد له زوابير
وشوف الفياض اللي تمالا ركونه
عجلين للمكشات يم المغاتير
هذي طرات النفس ياللي تبونه
شوف الخزامى والنفل والنواوير
تسعد خفوق اللي تناسا شطونه
في يمتك يانجد حلو المشاوير
مع خوة اللي صافياتن ظنونه
خالي من الشكات صاف الاسارير
نفسه على العليا تبين فنونه
من حبها كتبت حلو التعابير
وانساق لاهب الهوا مع سكونه
