شعر:مشعل فايح
الله حفيظك.. دخيل الدمع لا تبكـي
وابوك يا روح ابوك مفارق الليلـة
بتلقى الى من توارى حي له تشكـي
لكنّ ما اظن يلقـى شـي يشكيلـه
جدران كل الوجيه ابوابهـا تحكـي
سوالف الحزن.. والعمر ومواويلـه
الا عيونك.. وبسمة وجهك المكـي
طهر الصلوات.. طهر الما.. تراتيله
بابا حبيبي.. تنادينـي.. وتستذكـي
على فـؤادٍِ مثـل العابـك اتشيلـه
حتى لو الكون ساعتها علي مركـي
نظرة عيونك تلاعب فيه واتزيلـه
احس الأيام.. عقبك ماهي بملكـي
واخاف في بعدك الوجد ومداهيلـه
بابا حبيبي.. حبيبي انت يا تركـي
قلبي يغنيك.. غيرك من يغني لـه
ما ابي تغني.. ولكن.. بس لا تبكي
كفكف دموعك.. وخل تعدي الليلـة
