شعر: توفيق سالم المورقي
احبك واعشق ترابك قسم بالله
وانا كلي طموح افديك بسنيني
مادام انك رحيبه بالفرح وغناه
تعالي دوك شعري لاتخليني
عيونك غير وايامك تقول رغاه
رغاة المصغر اللي فالمزاييني
ضحا وجهك يبين للعمى مخطاه
وشمسك تحرق كبود المعاديني
وسيعة صدر للعالم تبين رضاه
ولو يطعنك ماقلتي له منيني
كريمه تجبرين اللي شكا بلواه
رحيمه بالضعوف وفاالمساكيني
تحملتي كثير ولاطلبتي جاه
وجاهك واصل ديار البعيديني
عيالك جندك اللي يردعون أعداه
ياكم حاسد تعب ماجابلك شيني
تعالي جربي وادعيه واجنداه
يلبي لك من العشرين عشريني
يحبك قايدك سلمان كثر دعاه
وكثر اللي لرب البيت داعيني
عسى ربي يمد بصحته وخطاه
عسى ربي يعزه قولوا اميني
المحرر: النص طويل وجميل وتم الاكتفاء منه بما سبق لمحدودية المساحة مع اعتذارنا للشاعر وللقراء الأعزاء.
