اللاهي

[ALIGN=LEFT][COLOR=blue]شعر/سعد بن هندي[/COLOR][/ALIGN]

كنت مشغولا في كتابة أحد النصوص واتصل بهاتفي أحد الأصحاب وهو ممن يجيدون التحدث بالجوال معك طويلا بدون كلل أو ملل
ولم أستطع الرد عليه ولكن وجدت قلمي يرد عليه بالأبيات الآتية بدون تخطيط مسبق لها

[poem=font=\"Tahoma,6,black,bold,normal\" bkcolor=\"\" bkimage=\"\" border=\"none,4,gray\" type=2 line=350% align=center use=ex length=0 char=\"\" num=\"0,black\" filter=\"\"]
أرجوك ياللي تكلمني وأنا لاهي=لفكر مشغول قفل لاتقاطعني
هي فرصة سانحه ماعندي إلا هي=إنما تغانمتها وإلا تودعني
تشويش الأفكار يؤصل حده الناهي=ويغوص بي في المحيط ولا يطلعني
مرات أورد ركابي عد الراهي=تشرب من العد والساني يطاوعني
ومرات أوده لها وتكب وداهي=تقول ماهيب لا ودهت تسمعني
ما غير أجامل على الشدات متباهي =عزيمتي فوق هام السحب ترفعني
هني من خاطره طول الدهر ساهي=يسرح ويضوي ولايعني ولايعني
إن حـصل الــزاد ماينـشــد عــــــن الطاهي=وإن جيــــــت تبـغي ترده قال لك دعـني
يعــيش في هامــش التــاريخ متلاهي=مالا وعته الهجوس اللي تلا وعني
ولانيـــب ربــه ولا أدري تـربته ماهي=ولـكـن تـصراف بعض الـناس يـوجعني
لي وجهتي من يبي يعرف توجاهي=إما يعارض عي وإلا يشجعني
أهوى المعــالي وأجنب خوة الفـاهي= ولي سـكة مــــع سلوم البــدو تجمعني
والطـيب أفــديه من مالي ومن جـاهي=حقا علي نفعته وإن جيت ينفعني
ما هــيب حرفة مـدورة التـسفاهي=الـــلي تــجماعهم لو كـثر ما اقنعني
وأهل الصــور لو تقـدم لونــها الزاهـي=تــزويـر وإلا حـقـيقي ما يزعــزعني
الداهية ماتجيك إلا من الداهي=يالله بعفون مع الإبرار ياسعني
[/poem]