شعر: فواز مريزيق
ليتني غيم العصير لي استعار جعودك
لين بردونه على رياض (الغلا يطرحني)
أتقلّب في حماك ويبتدرني جودك
كنّي اللي كلّ حاجة ودّها تربحني
واتفيأ فيّتك واقطف ثمر عنقودك
واعترض معزوفة أنسامك وأغني لحني
وش جمال السودة بسحر الجمال بسودك!
تاه غيرك من يظن إنه قدر يشرحني
واحني حالي لياقفيت ونحاك صدودك
وصارت أدنى كلمة من أدنى العرب تجرحني
ويابخت بختي لياقبلت وتثنّى عودك
بعد ماتقبل عليّ وقبل لاتصافحني
ماتقول إلا أنا عبدالملك بوجودك
فوق عرشي والفرزدق ينشد ويمدحني
أنت حلم أجمعك والمّك واحدّ حدودك
يامساء ليلٍ سراك، وتاه بك ، وأصبحني!
