شعر: فحيمان عوده الجهني
حبي بنات العرب محكوم بالسنه
السنه تحكمه في كل الاوضاعي
ماسنه الله لخلقه يستحقنه
له موقعه في ضمير النيم والواعي
احبهن يوم فرض الله يصلنه
ويخاطبن ربهن والناس هجاعي
وحبي لهن مع طريق مدور الجنه
ماني لحاجه بدون سلوم تباعي
احبهن باالحيا لاكملن قنه
بمحارب الموضه اللي مالها داعي
واحبهن باالجمال اللي يحبنه
كانه طبيعي ولاهو صنع خداعي
واحبهن باالرضيع اللي يغذنه
من در مسكوب من مشات الاضلاعي
واحب عفت شرفهن يوم يحمنه
والنور من كل جانب جاله شعاعي
واحبهن باالوقار وذوقه وفنه
فطره من الله بدون قيود ونزاعي
واحبهن باالوفا اللي ما يبيعنه
محفوظ عن سالفة شاري وبياعي
واحبهن لجل سرا ما يبيحنه
والصمت جرعة علاج لكل الاوجاعي
والحب في غيرهذي حوله الظنه
والظن ما ودي انه يلفح شراعي
