[ALIGN=LEFT][COLOR=royalblue]شعر-زياد بن حجاب بن نحيت الحربي[/COLOR][/ALIGN]
[poem=font=\"Tahoma,6,black,bold,normal\" bkcolor=\"\" bkimage=\"\" border=\"none,4,gray\" type=2 line=350% align=center use=ex length=0 char=\"\" num=\"0,black\" filter=\"\"]
غلطه قديمة وانتهت لكـن بقـا الجـرح العميـق=اللـي يبـي يبقـى علـى مـر الليالـي مالتئـم
آسف لاني ماقـدرت اصبـر وغيـرت الطريـق=وآسـف لانـي ماقـدرت افهَـم اللـي مافـهـم
بركت للحمل الثقيل وطقـت لـو ماكنـت اطيـق=مـن شـان لاقالـوا زيـاد يقـال والله والنـعـم
لكـن نعـم مفعولهـا ماياصـل يديـن الغـريـق=اللـي لمـد ايديـه لـلـي مايطيقـونـه سـئـم
ولاعاد يسوى فـي عيونـه لازفيـر ولاشهيـق=شيئ يجـي , تقفـاه منـه يقطعـه لوهـو نسـم
مسرح جريمة قصتي اكثر غموض مـن الحريـق=اللـي تضيـع بـه الدلائـل والقرائـن والتـهـم
مافيـه امـر مـن الصديـق لياتنكـر للصديـق=ولافيـه بالدنيـا اهـم مـن المهـم الا الاهــم
الياصرت بالحالـك فريـق وفيـه قدامـك فريـق=وتخاف بكـرة لانهزمـت يقـال مسكيـن انهـزم
خذلـك طريـق تظمـن انـه بالنهايـة مايضيـق=وان طعت شوري خذ طريق الله ترى مابـه نـدم
وانا استخرت الله وعينـي خايلـت قمـة طويـق=القمـه اللـي فوقهـا رفـرف للامجـاد العـلـم
والله لعانـق راسهـا مادامنـي حــر طلـيـق=حر اليامنـه شلـع مـن سرعتـه مثـل السهـم
ماعادت احلامي على خبرك ترى خبـرك عتيـق=وان شفت بعيونك هرم ، حلمي على راس الهـرم
لي مده احلامي من العالي علـى الجزلـه تويـق=صافحت كف المستحيـل وقـال : مـد ام الشحـم
انا بـرئ مـن اي حلـم يلبـس ثيـاب الرقيـق=ان ما امتطى صهوة جـواد العـز بالله واعتصـم
طموحي اخدم امتي وان مت يبقى اسمـي عريـق=قبلـي فهـد خـادم لبيـت الله وعبـد الله خـدم
اقسمت ما انسى واجبي واخترت لـي درب يليـق=وانا هنا والا هنـا مـا انسـى انتمائـي والقسـم
مادام نيشان الفخر له في سمـاء صـدري بريـق=وشلون نيشان الولا اللي داخل القلـب انرسـم!!
جدي وابوي معاهديـن الديـن بالعهـد الوثيـق=وانا على نفس الطريق اقسمت والوضع انحسم..!!
[/poem]
