ماحتجت ابوي أكثر من اليوم يـ سعود
ارمي عليه حمول صدرٍ ثقيله
اثر اليتم ما هو بالأطفال معقود
يذبح كبير القوم ويهد حيله
شفني عقب ما كنت بحماه موجود
عاري بوجه الريح تصفق نخيله
ضايع لونيّ من عرب تقهر الكود
وحدي ولو حولي تجمع قبيله
لو غرك أني جزت في عمري عقود
صغير بحساس اليتم عزّتيله
كلما يمر الوقت في عيني يزود
يكبر وتكبر بالزمن حاجتي له
ابوي كلمه بالغلا مالها حدود
لونها أضحت في لساني قليله
تلج بشفاهي تقل تو مفقود!
لوحيتها لوهي غدت مستحيله
يا خيمة ادفا مامضى لي من عهود
عقبك تقول البرد يشفي غليله
