يفداك
اقول يا صوتٍ بسمعي رحيلك مقيم
(يفداك) من جاب لي وقتي ومن راح به
إصعد بدعواتك لربك وربك كريم
ولا احدٍ ترحّب به إلا كثر مراحبه
إصعد إلين تْغدي تحتك نجوم السديم
عقدٍ بصدر السماوات العلا الراحبه
وعند الصديق اللدود أو العدو الحميم
خل التناهيد بالضحكات متصاحبه
رشيد الدهام
لا تبتعد
(لا تبتعد) وانت ماخذ في يَدك روحي
يا واحدٍ ترتسم في عينك افراحي
متعود السبق والناموس مربوحي
يطرب لك المجد مرواحٍ ومسراحي
يا اللي أماري بحبك لو سبب نوحي
متنومس الدم لي باسمك غلا فاحي
ان كان تدري بعينٍ تلعي جروحي
ارحم دخيلك عويجٍ سره انباحي
ميثاء الهاملي
