مواجع
ليت المواجع ماتزور المضاجع
والا الزمن ما يبتلي راعي الطيب
ماكنت أسوق الليل والكون هاجع
وأرعى النجوم اللي تنوف المراقيب
أنا كذا قلبي مع اهل المواجع
أفزع مع الرعيان واقنب مع الذيب
دمعي يسابقني مع أهل الفواجع
وأضحك مع اهل الغشمره والعذاريب
اغيب لين يقال ماهو براجع
وارجع الين يقال ماعاد بيغيب
علي السبعان
نوايا
الله يامجمّل شعور…. البدايات
القلب أخضر والنوايا …بسيطه
لكن ليا من الغلا صار بسكات
حتى لسانك لو بغى الهرج خيطه
القلب مات وصاحب القلب مامات
عايش بقلب الشاعرة والعبيطه
ونه
