مدري
هذا المسا ما يحتمل روح النقاش
في مدخله تحذير: مُر ولا تقول
واللي نبي لو كان في الواقع يُعاش
كان العوا ما زاد يا راع الذلول
ما عاد لك في جرهد البيدا معاش
فارق مسالكها ترا البيدا ختول
(مدري) كساها الخوف لبّاس الرياش
والا يد الحطاب والفاس النصول
عواض العصيمي
كلامنا
واللي نسى أو تناسى قل عليه السلام
صحايفه يوم تعرض للملا خاويه
(كلامنا) لويسام بمال سمنا الكلام
ماكان شفنا على شاشاتنا راويه
الوقت ماهو بوقت الرمح ولا السهام
وماكل من يحتزم له ضربة كاويه
عبرة شعر
