شعر: خالد الظويفري
بنت ٍ تمرجـح بالغـلا قـرب وبعاد
كل ماتراضى .. للحنـيــن وتعيي
يشدها .. من روعــة الشعـر وقـاد
ويردهـا .. بعــدٍ يـعـيــد التهيـي
لو تزهم الوادي من الحسن “ياواد”
فـزت بـه عيــون وتربـع يحيي
ماهي سعاد ولو بدت كنها سعاد
ولا هيب ليـلى لو تجنن نجيي
كنت اترقب “مطلع الشمس” من غاد
في مثل”ذو القرنين”وشعري خويي!
قالت من انت ؟ وقلت يابنت نشاد
قالت لي انشد والهب الورق غيي!
واضوت نجوم الكون لي عيد ميلاد
لكن عزف نايي .. وذابت بضيي
قالت تعدّ وصرت واحد بالإعداد
واحد صحيح .. ولكن افقد حليي
وانا الجميل اللي بثيناه الاشهاد
وسيف الله المسلول خالد سميي
من كثر مالي بالملا انداد واضداد
كــل ٍ علـى ود .. يـتــوحى دويي
قالتلي شوف وشفت نفسي يالاجواد
شاعر و(زي الناس) والشعر زيي !
