شعر:عبدالله ال نمره
تعبنا على (زرع العطا) نرجي المردود
ودعينا الله انه مايضيع منافعنا
غرسنا سقينا ننتظر ساعة المحصود
وقلنا بنحصد خير نلقى مطامعنا
ولكن حسافه ماسلمنا ولابه فود
زرعنا الجمايل باارديا من تواضعنا
ومن لايبين بعينه النقص والا الزود
فمافيه داعي له نكثر مواجعنا
نقول الردي لامن بغى المصلحه بيعود
والى عاد يبغانا بنعلن تراجعنا
وناخذ مواثيقٍ على علمنا وعهود
وحلفنا نغير من سماحة طبايعنا
واذا جا لنا محتاج نرجع على المعهود
ضمير المراجل عالردى مايطاوعنا
كذا نجود من موجود ونجود من مفقود
وماقد منعنا ويش معنا ومامعنا
لو ان العذر موجود والجود فالموجود
نسوق الوجيه لمن يعرْف ان لها معنى
ماشاءالله شاعر مبدع تطل علينا فتنثر ابداعك واصل واستمر يامبدع