شعر: ريف القصيد
رفرفت (خضر البيارق)عاد يومك ياوطنا
دام عزك دام مجدك دامت ايامك مديده
ياملكنا يازعيم العرب ياسيفً مّحنا
دام عزمك دام حزمك دامت ايامك سعيده
كل شاعر في قصيده لجلك اليوم ايتغنا
جاء يبارك جاء يشارك في نشيد وفي قصيده
ياوطـــنا والــلــه إنا ندحر الــعدوان عنا
ماحســبنا للكــبار ولاحســبنا للوليده
في جنود الجيش حنّا ياوطن دايم أملنا
نكتب أبيات المديح وقد مانقدر نزيده
الحريب اليا انتهضنا والله انه ماجهلنا
والصديق اليا نصانا له مواقفنا شهيده
نحمدالله ماعلينا اقصور يوم الله جعلنا
للحرم خدام بجهودٍ على العالم بعيده
انتهضنا بالعلوم وبالتــطور في زمنا
واعتـلينا قمة الــمجد وتوارثتا رصيده
