شعر: مقبل مساعد
كل ماقلت هانت جدد الحزن لين
استباح الضمير وراهي الهم زاد
اتسلى واسج الرجل وانا حزين
والعيون الشقية ماهتنت بالرقاد
والله اني من الدنيا غسلت اليدين
مير شكواي للخلاق رب العباد
ارفع ايدي واطلبه العفو واليقين
واترجاه في حسن العمل والرشاد
حبل الايام في دنياي ماهو متين
راح عمري وانا بين الشقا والجهاد
ليش اجامل وانا مابين فتره وبين
عايش الفقد وظروفي غشاها السواد
كل ماذكر زمان ٍ فات لي من سنين
قلت ماعاد باقي غير ضغطة زناد
يالله انك على صكات بقعا تعين
وتبري(جروح قلب) مانفعها الضماد
