إنسان..!
من الحيرة .. عجزت أروض الخيرة على النسيان
.. تخيرت الحزن سيرة..
وياااااما كان:
طفل.. ذنبه ترك ظله على بابه. .وجاته بنت قالت له متى نكبر؟
متى هذا الشجر يخضر؟
وأنا وأنت لنا أولاد .. نهديهم أسامينا.
ومرّ الصبح في بابه ضحى ولهان.. حنون يلاطف الجدران
يسألها متى ترجع .. متى هذا المدى يسمع وتصدقنا حكاوينا
تململ واحتراها شمس.. تجي من أمس..
يأخذها بلفتاته .. تغيب يوم عن مجموعة أوقاته..
تحراها وناداها ولا جاته!
من الحيرة.. عجزت أروّض الخيرة على النسيان .. تخيرت الحزن سيرة.. ويا ما كان:
عَمُر ما ينتهي صدفة ولا يبدأ بلا ميعاد.. جنون القلب بين الموت والميلاد
قصيدة عمرك الهارف ورا صوتك..
ولقطة وجهك الباكي على موتك.. سما صفرا وسرب طيور:
أنا المذكور والمأسور والمشهور بالحسرة..
وأنا المفطور والمنذور والمغرور بالفطرة..
..
من الحيرة عجزت أروّض الخيرة على النسيان،..تخيّرت الحزن سيرة وياما كان :
كبر وقتك .. وشابت غرة أحزانك.. صلاتك آخر أيامك على شانك .. مكانك داخل
اللحظة عنوانك
تخيرّت الحزن سيرة .. بتعذيبه وتأثيره .. وعشت إنسانّ
شعر / إبراهيم الوافي
عدّ عشر.. !
عدّت ! عشر
والوعد، ماعنده نظر
لوكان،
كان بغيبتك :
ماشفت لك مية عذر
ماعشت لحظاتي « وهَم»
ما كنت «أحبك»
والأهم:
ما ضحك جروحي عليّ،
وإلا تركتني ا ن ت ظ ر..
يا قلبي، بـ جد..
أعتذر:
حمْلت نبضك نبض،
لكن:
ما درى غيري!!
ولافي داخلك بـ الحب «ساكن»
والأغاني!؟
.. تحتضر
أمّا الاماني:
باقية..
علقتها بـ جدار عمري،
بعَد ماشلت الصور..
ولى .. زمانك ياقهر
اليوم .. لـ أفراحي وبس!
ولي … زمانك يا قهر
اليوم .. لـ أفراحي وبس !
للي يحبّوني:
وكل من .. في غيابه .. بي يحس..
من غير!! موعد منتظر
للي لهم «كنت» ابتسم،
اللي بهم «صرت» ابتسم،
مثل ابتسامة ساعتي،
[ALIGN=LEFT][COLOR=blue]شعر / سامي الجار الله[/COLOR][/ALIGN]
